नेपालको संविधानले परिकल्पना गरे अनुसारको संघीय संरचनाको कार्यान्वयनको सन्दर्भमा नेपालको संविधानको भाग १३ मा प्रदेश कार्यपालिका सम्बन्धी भएको व्यवस्था बमोजिम मिति २०७४/११/०३ मा विभिन्न ७ वटा मन्त्रालयसहित कोशी प्रदेश (साविकको प्रदेश नं. १) को मन्त्रिपरिषद्को गठन भएकोमा मिति २०७८/१०/२३ मा साविकको भौतिक पूर्वाधार विकास मन्त्रालय विभाजन भई सडक पूर्वाधार तथा शहरी विकास मन्त्रालयको स्थापना भएको हो । मिति २०७९/११/१७ मा प्रदेश सरकार (मन्त्रिपरिषद्) को निर्णयानुसार यस मन्त्रालयको नाम परिवर्तन गरी पुन: भौतिक पूर्वाधार विकास मन्त्रालय कायम भएको हो ।

भौतिक पूर्वाधार विकास मन्त्रालय कोशी प्रदेश सरकारको एक प्रमुख मन्त्रालयको रुपमा रहेको छ । यस मन्त्रालय स्थापनाको उद्देश्य प्रदेशमा आवश्यक भौतिक पूर्वाधारहरूको विकास र निर्माण गर्न मद्दत पुर्याउनु हो।यस मन्त्रालय अन्तर्गत २ (दुई) वटा प्रमुख पुर्वाधारका क्षेत्रहरु पर्दछन्:

• सडक पूर्वाधार क्षेत्रः यस अन्तर्गत संघ र स्थानीय तहको कार्य क्षेत्र बाहेक कोशी प्रदेश भित्रका प्रादेशिक लोकमार्ग, प्रादेशिक सहायक लोकमार्ग र प्रादेशिक मार्ग पर्दछन् । यी सडकहरुमा पर्ने नदी तथा खोलामा सडक पुल, झोलुङ्गे पुल स्तरोन्नति तथा मर्मत सम्भार समेत यस क्षेत्र अन्तर्गत पर्दछ ।
• आवास, भवन तथा शहरी विकास क्षेत्रः यस अन्तर्गत सरकारी भवनहरु, विशेष समुदाय लक्षित आभाव कार्यक्रम र ग्रामीण तथा शहरी पूर्वाधार निर्माण तथा मर्मत संभार आदि कार्य पर्दछ ।

यस मन्त्रालयको मुख्य भूमिकामा सडक, सडक पुल, झोलुङ्गे पुल, भवन तथा शहरी विकास लगायतका भौतिक पूर्वाधारहरुको विकास सम्बन्धी योजना, नीति तथा कार्यक्रम तयार गर्ने र यसको कार्यान्वयन, अनुगमन तथा मूल्यांकन जस्ता कार्य गर्नु रहेको छ ।

यस मन्त्रालयले कोशी प्रदेशमा दिगो विकासका लागि भौतिक पूर्वाधारहरूको तोकिएको बजेट, समय र गुणस्तरीय निर्माण कार्यमा ध्यान दिएको छ । यसले गर्दा समग्र प्रदेशको आर्थिक र सामाजिक विकासमा योगदान पुगेको छ ।

यस मन्त्रालय अन्तर्गतका निकायहरु र सोको कार्यक्षेत्रः